Waem zeen wae ??
De stichting Instuif besteit sinds 1968, mèr al vanaaf 1960, waerdj d'r in Roggel jeugdcarnaval gevierdj die baeter bekindj is ònger de naam: Jeugdcarnaval Roggel of Jeugdsjansemaekers Roggel (dit nao de "groeate" carnavalsvereniging : "De Sjansemaekers").
(Eine sjansemaeker waas vreuger emes dae in 't bos van takkebossen , "sjanse", maakdje om 't hoes te verwerme !!)

Waat doon wae ??
Wae, eine groep enthousiaste jòngere (12 t/m 16 jr.) en 't bestuur (aojer as 20 jaor !!) verzäörge in aanloup en tiejens de carnavalsperiode de gehiële vastelaovesactiviteiten väör de jeugd/jòngere in Roggel.
Dit hiltj o.a. in:
- Oetwisselinge mèt Naer, Haele en Heibloom,
- Jeugdgezèt make,
- Bezeuk basissjoeale carnaval,
- jeugddansse,
- enz.

Auch is de Instuif, vanaaf 1994, aangeslaote bie de S.J.O.R. (Stichting Jongeren Overkoepeling Roggel), ein samenwèrkingsverbandj van alle jeugd/jòngere vereniginge in Roggel.
De activiteite vinje daoròm den auch hoofdzakelijk plaats in 't SJOR-gebouw of in het aangrenzendje verenigingsgebouw "La Rochelle".

2010 Bart II

Sjansemaekersblood, det veultj good !!